Vann 15 milljónir í lottó

Einn heppinn lottóspilari sem keypti sér miða í Happahúsinu í Kringlunni var með allar lottótölurnar réttar í kvöld og hlýtur hann 14.993.470 krónur í vinning. 

Enginn var með bónusvinninginn en aftur á móti var 71 miðaeigandi með fjórar réttar tölur og vinningur í þeim flokki nam 28.940 krónum, að því er segir í tilkynningu frá Íslenskri getspá.

Tveir voru með fjórar réttar tölur í réttri röð í Jóker og fá þeir 100 þúsund kall í vinning, annar miðinn var keyptur á lotto.is en hinn í Olís á Selfossi.

• Blogga um frétt