Borgarráð hefur samþykkt samkomulag vegna fyrirhugaðrar uppbyggingar á lóðinni Hallarmúla 2. Tölvutek er nú með verslun í húsinu. Það er sunnan við Hilton Reykjavík Nordica á Suðurlandsbraut 2.
Fram kemur í samþykkt borgarráðs að fasteignin í Hallarmúla 2 hafi verið byggð 1971. Lóðin sé tæplega 3.100 fermetrar.
Borgin gerir umrætt samkomulag við félagið HM2 ehf. Það er til heimilis í Borgartúni 24. Samkvæmt Creditinfo eiga þrír fjárfestar jafnan hlut í félaginu. Þeir heita Stefán Már Stefánsson, Ellert Aðalsteinsson og Elmar Freyr Jensen.