Reykjavíkurborg innheimtir sem svarar 1,5 milljónum króna í innviðagjald á hverja 100 fermetra í fyrirhuguðum íbúðum í Furugerði við Bústaðaveg. Gjaldið kemur til viðbótar gatnagerðargjaldi. Það nemur samtals um 50 milljónum króna.

Óli Örn Eiríksson, deildarstjóri atvinnuþróunar hjá skrifstofu eigna- og atvinnuþróunar hjá borginni, segir innviðagjaldið mismunandi.

„Gjaldið tekur mið af aðstæðum hverju sinni. Stundum eru byggingarlóðirnar við hliðina á fyrirhugaðri borgarlínu og stundum koma aðilar með samfélagslega innviði til viðbótar við samgönguinnviði. Það er að segja samfélagslega innviði í skilningnum félagslegt húsnæði eða leiguíbúðir. Gjaldið er því mismunandi eftir reitum,“ segir Óli Örn.

Varðandi innviðagjaldið í Furugerðinu bendir Óli Örn á að ef börnum fjölgi með fleiri íbúðum fylgi því kostnaður. Borgin sé að meta húsnæðisþörf Knattspyrnufélagsins Víkings í Víkinni. Það komi senn á fjárhagsáætlun.

Tengdar fréttir

Húsnæðismarkaðurinn

Ekki byggt í takt við áform sveitarfélaga

• „Maður sefur ekki á næturnar“
• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða
• Íbúðaeigendur enda með neikvætt eigið fé

» Fleiri tengdar fréttir

Borgarlínan

Stóraukið fé til samgöngusáttmála

• 100 km jarðgöng leysa ekki vandann
• Undrast meiri gjaldtöku án bættra almenningssamgangna
• Byggt við flugvöllinn enn á ný
• Segir holan hljóm í gagnrýni á Fossvogsbrú

» Fleiri tengdar fréttir