„Það er því fullkomlega eðlilegt að kjörnir fulltrúar mæti og/eða þekkist boð á viðburði sem skipta eða snerta sveitarfélagið á einhvern hátt, hvort sem um er að ræða viðburði á sviði atvinnulífs, mannlífs eða menningar.“ Þetta kemur fram í yfirlýsingu frá Samherja.
Ástæðan er sú að siðareglur kjörinna fulltrúa voru umræðuefni á fundi bæjarstjórnar Akureyrar í síðustu viku eftir að tveir bæjarfulltrúar þáðu boð Samherja um að vera viðstaddir athöfn í Cuxhaven í Þýskalandi er tveimur skipum voru gefin nöfn 12. janúar.
Í tilkynningunni er bent á að félagið Deutsche Fischfang Union í Þýskalandi, sem er í eigu Samherja hf. á Akureyri, hafi unnið með fyrirtækjum á Eyjafjarðarsvæðinu í nýsmíði skipanna tveggja. Fulltrúum þeirra sem og oddvitum Akureyrar var boðið á kostnað Samherja að vera viðstöddum nafngift skipanna.
„Þær ásakanir sem fram hafa komið á hendur þeim oddvitum sem þekktust boðið vekja undrun undirritaðra og hörmum við að búið sé til pólitískt moldviðri í þessu samhengi. Endurspegla þær ásakanir frekar þá staðreynd að til eru kjörnir fulltrúar sem sýna atvinnulífi hér á svæðinu lítinn áhuga eða skilning.“
22 einstaklingar skrifa undir yfirlýsinguna sem ýmist starfa hjá Samherja eða í fyrirtækjum sem komur að smíð skipanna með einum eða öðrum hætti.