St. Jósefsspítali mun hýsa lífsgæðasetur, gangi hugmyndir starfshóps á vegum Hafnarfjarðarbæjar eftir.
Hafnarfjarðarbær keypti St. Jósefsspítala af ríkinu á síðasta ári og skipaði í kjölfarið starfshóp til þess að koma með tillögur að notkun húsnæðisins. Hugmynd um lífsgæðasetur varð ofan á. Til þess að það verði að veruleika þarf að leggja í 200 milljóna króna kostnað við lagfæringar á húsinu.
Gert er ráð fyrir því að aðstaða í húsinu verði leigð út og rekstur hússins verði sjálfbær þegar það verður komið í fullan rekstur. Lífsgæðasetrinu er ætlað að efla Hafnarfjörð sem heilsubæ, að því er fram kemur í umfjöllun um mál þetta í Morgunblaðinu í dag.