Vegurinn í hluta af iðnaðarhverfinu í Stórhöfða í Reykjavík virðist hafa breyst í vatnsmikla á eða stöðuvatn í óveðrinu sem gengur nú yfir suðvesturhluta landsins. Hreiðar Ingi Eðvarðsson birti myndskeið á Twitter þar sem sjá má bíla keyra í gegnum „ána.“
Hreiðar segir í samtali við mbl.is að allt sé bókstaflega á floti. „Ég held að niðurföllin séu stífluð.“
Ekki hafa allir komist vandræðalaust í gegnum vatnselginn en Hreiðar segir í það minnsta tvo bíla hafa fest sig. „Það eru tveir vörubílar fastir hérna núna.“
— Hreiðar Ingi Eðvarðs (@Hreidar_I) February 21, 2018