Lögreglu barst tilkynning um umferðaróhapp á Langholtsvegi klukkan níu í morgun en þar var bifreið ekið á kyrrstæðan bíl. Ökumaður og farþegi stungu af en náðust skömmu síðar og voru vistaðir í fangageymslum.
Réttindalaus og ölvaður ökumaður var stöðvaður á Strandavegi, einnig klukkan níu í morgun, en hann ók vel yfir leyfðum hámarkshraða.
Tilkynnt var um margar brotnar rúður í Álhólsskóla og Digranesskóla í Kópavogi á tólfta tímanum í morgun. Lögregla rannsakar málið.