Um 1.500 manns hafa greinst með prótein sem skilgreinir forstig mergæxlis og mergæxli í rannsókninni Blóðskimum til bjargar.
Þetta sagði Sigurður Yngvi Kristinsson, prófessor við læknadeild Háskóla Íslands, í kvöldfréttum RÚV.
Blóðsýni úr 35 þúsund manns sem tóku þátt í rannsókninni eru þegar komin, ásamt frumniðurstöðum.
Að sögn Sigurðar Yngva hafa 1.000 manns greinst með nýtt forstig mergæxlis en vissu það ekki áður en þeir tóku þátt í rannsókninni.
Af þeim sem búið er að rannsaka hafa 10 manns greinst með mergæxli.
Alls vinna 17 við rannsóknina í fullu starfi.