Hælisleitendum frá Makedóníu og Georgíu, löndum sem flestir voru frá sem óskuðu hælis á Íslandi í fyrra og hittifyrra, fækkar.
Á tveimur fyrstu mánuðunum í ár voru umsóknir um hæli 95. Flestar voru frá Írökum, samtals 16, og 13 frá Albönum.
Eitt fylgdarlaust ungmenni kom á tímabilinu, drengur frá Sómalíu, að því er fram kemur í fréttaskýringu um þetta efni í Morgunblaðinu í dag.