Bílvelta í Breiðholti

Einn var fluttur nokkuð slasaður eftir bílveltu í Breiðholti upp úr hádegi í dag. Tilkynnt var um bílveltuna stundarfjórðung yfir eitt en hún varð á gatnamótum Höfðabakka og Fálkabakka. 

Samkvæmt upplýsingum frá slökkviliðinu á höfuðborgarsvæðinu voru fjórir í bílnum þegar slysið varð en aðeins einn þeirra var fluttur á sjúkrahús. Nokkur viðbúnaður var hjá slökkviliðinu vegna málsins en tveir dælubílar voru sendir á vettvang auk fjögurra sjúkrabíla.

Störfum slökkviliðs er lokið á vettvangi.

• Blogga um frétt