Innlent | Morgunblaðið | 7.4.2018 | 20:00

Dragdrottningar með yfirvigt til LA

Draglistamenn. F.v. Atli Demantur, Neville Ingley, Kristrún Hrafnsdóttir, Bjarni Óskarsson, umsjónarmaður, og Sigurður Heimir Guðjónsson. Draglistamennirnir hafa hver um sig þróað sinn stíl og tekið sér listamannsnafn. mbl.is/Eggert Jóhannesson

Fyrsta íslenska dragútrásin stendur fyrir dyrum hjá fjöllistahópnum Drag-Súgur. Leiðin liggur á stærstu dragráðstefnu heims í Los Angeles, þar sem dragdrottningar ætla að kynna íslenska dragmenningu, sem rutt hefur sér til rúms í skemmtanalífi landsmanna undanfarin ár.

Búast má við töluverðri traffík í íslenska básnum því hann er við hliðina á bás Ru Paul, frægustu dragdrottningar Bandaríkjanna og þótt víðar væri leitað. Drag-Súgur heldur dragsýningu í kvöld á Gauknum til að styrkja ferðalangana.

Gógó Starr, Deff Starr, Jenny Purr og Atli demantur ásamt Bjarna Óskarssyni, umboðsmanni þeirrar fyrstnefndu, fara í næsta mánuði á eina stærstu dragráðstefnu heims í Los Angeles. Allar eru drottningarnar í fjöllistahópnum Drag-Súgur, sem haslað hefur sér völl í skemmtanalífi Reykvíkinga á liðnum árum. Forsprakki hópsins og framkvæmdastjóri er Sigurður Heimir Guðjónsson, sem kemur fram sem Gógó Starr og er að því hann best veit, eina dragdrottning landsins í fullu starfi sem slík.

Sjá umfjöllun um þessa útrás í heild í Morgunblaðinu í dag.