Jeppi og fólksbifreið skullu saman á Snæfellsnesvegi við Haffjarðará um klukkan 13 í dag. Kona og maður voru í sitthvorri bifreiðinni.
Betur fór en á horfðist og samkvæmt upplýsingum frá lögreglunni í Borgarnesi slasaðist hvorugt alvarlega og gátu þau gengið sjálf frá bifreiðunum sínum eftir óhappið. Konan var flutt í sjúkrabíl á slysadeild en maðurinn kom sér sjálfur í læknisskoðun.