Útlit er fyrir hægt vaxandi suðaustanátt á landinu í dag. Sums staðar má búast við dálitlum éljum um landið sunnanvert, en annars staðar verður víðast hvar bjartviðri.
Strekkings vindur verður allra vestast síðdegis í dag, en syðst á morgun. Veður fer heldur hlýnandi og verður hiti á bilinu 0-6 stig yfir daginn, en þó verður talsvert frost í innsveitum í nótt.
Búast má við suðlægari átt á þriðjudag og áfram úrkomulitlu veðri, en rigningu um landið vestanvert á miðvikudag og þá gæti orðið frostlaust á öllu landinu og einnig að næturlagi.