Biskup Íslands hefur auglýst eftir prestum til að sinna afleysingaþjónustu í tveimur prestaköllum: Borgarprestakalli í Vesturlandsprófastsdæmi og Laufásprestakalli í Eyjafjarðar- og Þingeyjarprófastsdæmi.
Núverandi sóknarprestar þessara prestakalla eru sr. Þorbjörn Hlynur Árnason í Borgarprestakalli og sr. Bolli Pétur Bollason í Laufásprestakalli.
Bolli hefur gegnt embætti í Laufásprestakalli síðan árið 2009 en Þorbjörn hefur verið sóknarprestur á Borg frá árinu 1982. Báðar auglýsingarnar varða tímabundna setningu í sóknarprestsembættin frá 1. september 2018 til 31. maí 2019.