Ekki tekjutengt í Vestmannaeyjum

Vestmannaeyjabær hefur frá árinu 2012 fellt niður fasteignagjöld á ellilífeyrisþega, 70 ára og eldri, sem búa í eigin húsnæði, óháð tekjum.

Í tilkynningu sem samgöngu- og sveitarstjórnarráðuneytið sendi frá sér sl. miðvikudag segir að sveitarstjórnum sé óheimilt að veita afslátt af fasteignaskatti án tekjutengingar.

Í tilkynningunni kom einnig fram að Vestmannaeyjabær hefði haft tekjutengingu við niðurfellingu fasteignagjalda eldri borgara síðan 2015, en í umfjöllun um mál þetta í Morgunblaðinu í dag segir Elliði Vignisson, bæjarstjóri í Vestmannaeyjum, það vera rangt þar sem 70 ára og eldri í eigin húsnæði hafi frá árinu 2012 fengið fasteignagjöld niðurfelld að fullu óháð tekjum. Nóg sé að annað hjónanna hafi náð 70 ára aldri til þess að til niðurfellingar komi.