Þrátt fyrir tafir sem urðu á miðasölu á tónleika Guns N´Roses í morgun hefur miðasala farið vel af stað að sögn Björns Teitssonar hjá Solstice Productions. Hann segir að þegar hafi orðið uppselt í tvö hólf í stúku og voru 10 þúsund miðar seldir klukkan 10:40.
Björn segir að mikið álag er á bókunarkerfinu og mun staðfesting í formi tölvupósts um miðakaup tefjast. Hann biður kaupendur um að sýna þolinmæði og að tölvupóstur muni berast, en að það taki smá tíma fyrir kerfið að koma honum frá sér.