Vann tvær milljónir í Jókernum

Fyrsti vinningur gekk ekki út að þessu sinni þegar dregið var í lottóútdrætti kvöldsins. Potturinn verður því fjórfaldur að viku liðinni.

Tveir skiptu bónusvinningnum á milli sín og hlýtur hvor þeirra 218.940 krónur. Annar miðanna var keyptur í Iceland, Arnarbakka 2-4 í Reykjavík, en hinn er í áskrift.

Það getur borgað sig að hafa Jókerinn með og það var svo sannarlega raunin í kvöld hjá heppnum miðaeiganda sem var með allar Jókertölurnar fimm í réttri röð og fær hann 2 milljónir króna í vinning. Miðinn var keyptur í N1, Hafnarstræti 21 á Ísafirði. 

Þá voru fjórir með annan vinning, fjórar tölur í réttri röð, í Jóker, og hlýtur hver þeirra 100 þúsund krónur í vinning. Einn miðinn var keyptur í Olís í Stykkishólmi en hinir þrír eru í áskrift.

• Blogga um frétt