Engin hætta reyndist á ferðum

Lögreglunni á Suðurlandi barst í morgun tilkynning um mannlausan bát skammt frá Óseyrarbrú. Var allt tiltækt lið kallað út en í ljós kom að engin hætta var á ferðum.

Samkvæmt upplýsingum frá lögreglunni á Suðurlandi reyndist um smáan bát að ræða sem hafði rekið frá landi. Enginn hafði verið um borð og fallið útbyrðis eins og óttast var í fyrstu og því engin hætta á ferðum. 

• Blogga um frétt