Björgunar- og sjúkraflutningamenn eru á leið að Háafossi í Þjórsárdal en tilkynnt var um mann sem hrasaði og féll við fossinn á öðrum tímanum í dag.
Maðurinn, sem var á ferð með gönguhópi, er eitthvað slasaður en ekki er vitað hversu alvarlega.
Hinn maðurinn er við Bröttubrekku og er með mikla verki og getur ekki gengið sjálfur. Hópar frá björgunarsveitum á Vesturlandi eru á leiðinni til mannsins.
Björgunarsveitir á Vesturlandi voru einnig kallaðar út vegna skriðunnar sem féll í Hítardal á Mýrum. Viðbragðsaðilar eru að meta ástandið á svæðinu og eru hópar björgunarsveitafólks á leiðinni á vettvang til að tryggja öryggi og aðstoða við lokanir.