Tafir við Selfoss vegna umferðaróhapps

Þriggja bíla árekstur varð vestan megin við Ölfusárbrú, við bensínstöð Olís, á Selfossi um klukkan sjö í kvöld. Miklar tafir hafa verið á Suðurlandsvegi frá því að óhappið átti sér stað. Engin slys urðu á fólki. 

Umferð er stjórnað af lögreglu fram hjá vettvangi og samkvæmt upplýsingum frá lögreglunni á Suðurlandi er búið að draga bifreiðarnar þrjár í burtu svo umferðartöfum ætti að fara að létta.