Tveir menn í annarlegu ástandi voru handteknir í miðborg Reykjavíkur upp úr klukkan 19 í gærkvöldi. Eru mennirnir grunaðir um þjófnað úr verslunum og hafa verið vistaðir í fangageymslu lögreglu, að því er fram kemur í tilkynningu frá lögreglunni.
Að minnsta kosti fjórtán ökumenn voru þá stöðvaðir við akstur á höfuðborgarsvæðinu í gærkvöldi og í nótt, grunaðir um að aka undir áhrifum áfengis eða annarra vímuefna. Nokkrir farþeganna og ökumenn bifreiðanna eru sömuleiðis grunaðir um vörslu vímuefna.