Samninganefnd ljósmæðra fundar nú með félagsmönnum á Landspítala og kynnir þeim innihald miðlunartillögunnar sem ríkissáttasemjari lagði til í gær. Sambærilegur fundur var haldinn með ljósmæðrum á Akureyri í morgun.

Ljósmæður munu greiða atkvæði um tillöguna og þurfa úrslit úr þeirri atkvæðagreiðslu að liggja fyrir á miðvikudag. Eins og sést á meðfylgjandi mynd er fundurinn á Landspítala vel sóttur.

Miðlunartil­lag­an fel­ur í sér að sér­stök­um gerðardómi verði falið að kveða upp úr um það hvort launa­setn­ing stétt­ar­inn­ar sé í sam­ræmi við álag, mennt­un og inn­tak starfs ljós­mæðra og að hvaða leyti þess­ir þætt­ir eigi að hafa áhrif á laun­in. Þá fel­ur hún í sér í grund­vall­ar­atriðum sam­bæri­leg­ar hækk­an­ir og samn­ing­ur aðila frá 29. maí, sem ljós­mæður felldu í júní, kvað á um.

Katrín Sif Sigurgeirsdóttir, formaður samninganefndar ljósmæðra, sagði við mbl.is í morgun að hún ætti von á því að ljósmæður samþykktu miðlunartillöguna.

Frétt af mbl.is

Á von á því að ljósmæður samþykki

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

• Blogga um frétt