Tankbíll í árekstri á Hringbraut

Frá slysstaðnum.
Frá slysstaðnum. mbl.is/​Hari

Tankbíll og fólksbíll rákust saman á gatnamótum Hringbrautar og Nauthólsvegar, skammt frá BSÍ, um klukkan 10 í morgun.

Engin slys urðu á fólki.

Að sögn slökkviliðsins á höfuðborgarsvæðinu lak þó nokkuð niður af díselolíu og glussa á götuna og er slökkviliðið í óða önn að þrífa upp efnin.

Miklar umferðartafir hafa orðið vegna slyssins.

mbl.is
Fleira áhugavert
Fleira áhugavert