Far-vel tekur yfir samning Prime Tours

Strætó bs. hefur gert samning við fyrirtækið Far-vel ehf.  um framsal á rammasamningi Prime Tours um akstursþjónustu fatlaðra, en Prime Tours var úrskurðað gjaldþrota 17. október.

Fram kemur í fréttatilkynningu frá Strætó að fyrirtækið hafi frá þeim tíma verið með til skoðunar hvernig hægt sé að tryggja að þjónustan uppfylli þær kröfur sem til hennar eru gerðar. Höfuðmarkmið Strætó í akstursþjónustu fyrir fatlaða sé „að tryggja hnökralausa þjónustu“.

Frétt af mbl.is

Ekki hlaupið að verktakaskiptum

Í kjölfar gjaldþrots Prime Tours hafi skiptastjóri þrotabúsins óskað eftir samþykki Strætó bs. á framsali rammasamnings til annars rekstraraðila, Far-vel ehf., sem gert hafði tilboð í rekstrarvagna þrotabúsins og boðið starfsfólki þess áframhaldandi starf.

Frétt af mbl.is

Strætó tilkynnt um gjaldþrotið í gær

„Fyrir liggur að Far-vel ehf. fullnægir öllum hæfisskilyrðum rammasamningsins og hefur því stjórn Strætó bs. samþykkt erindi skiptastjóra um framsal samningsins fyrir sitt leyti,“ segir í tilkynningunni.  Strætó telji að þar með hafi farþegum í akstursþjónustu fatlaðs fólks verið tryggð fullnægjandi þjónusta út gildistíma rammasamningsins sem gildir til loka ársins 2019.

Frétt af mbl.is

Óku farþegum á ótryggðum bílum

Bæði í stjórn Far-vel og Prime Tours

Einn af stjórnarmönnum Far-vel var einnig stjórnarmaður í Prime Tours, að sögn Guðmundar  Siemsen lögfræðings Strætó. Hann segir Far-vel vera með kennitölu frá 1999. „Það var í einhverjum rekstri, en hyggur nú á rekstur á ferðaþjónustusviði. Bæði hjá ferðaþjónustu fatlaðra og á almennum markaði,“ segir hann.

„Það kom þarna beiðni um framsal á þessum rammasamningi og þá er metið hvort að þessi aðili sem óskað er eftir að taki við fullnægi skilyrðunum og það var talið að svo væri,“ segir Guðmundur.

• Blogga um frétt