Ökumaður fólksbíls var fluttur á sjúkrahúsið á Akureyri eftir að hann ók aftan á bíl ferðaþjónustu fatlaðra á Hlíðarbraut á Akureyri á öðrum tímanum í dag.
Samkvæmt upplýsingum frá lögreglunni á Akureyri eru meiðsl bílstjórans minni háttar en hann var einn í bílnum.
Ökumaður ferðaþjónustubílsins var líka einn á ferð og slasaðist hann ekki við óhappið.
Þá ók maður á ljósastaur á Drottningarbraut klukkan 07:22 í morgun. Maðurinn leitaði sjálfur læknisaðstoðar en meiðsli hans eru ekki alvarleg.