Ólafur Ísleifsson og Karl Gauti Hjaltason þingmenn sem voru reknir úr Flokki fólksins í gær munu starfa áfram á Alþingi sem óháðir þingmenn og  í samtali við mbl.is segir Ólafur ótímabært að ræða samstarf við aðra stjórnmálaflokka á þessu stigi.

Mikið hefur verið rætt um að þingmennirnir ætli sér að skipta um flokk og ganga til liðs við Miðflokkinn eftir að greint var frá því í fjölmiðlum að þingmenn Miðflokksins hefðu reynt að fá þá Ólaf og Karl Gauta til að yfirgefa Flokk fólksins þegar þeir ræddu saman á barnum Klaustur 20. nóvember síðastliðinn.

Frétt af mbl.is

Biðja Ingu Sæland afsökunar

„Mér virðist sem stjórn­in hafi greitt Flokki fólks­ins þungt högg með þess­ari ákvörðun. Þessi ákvörðun kall­ar á nán­ari skýr­ing­ar af hálfu henn­ar. Hún sýn­ist lítt grunduð. Til mín hafa ekki verið rak­in nein um­mæli sem eru sær­andi eða meiðandi í garð nokk­urs manns. Ég fór þegar ég taldi að í óefni stefndi en hefði átt að sjá það fyrr og fara fyrr, svo það sé viður­kennt,“ sagði Ólaf­ur Ísleifs­son í sam­tali við Morg­un­blaðið í gær­kvöldi.

„Við Gauti verðum óháðir þing­menn. Á milli okk­ar hef­ur verið þétt mál­efna­leg og per­sónu­leg samstaða og ég á von á að hún hald­ist,“ sagði Ólaf­ur einnig við það tilefni.

Í samtali við mbl.is í dag ítrekaði hann afstöðu þeirra um að þeir myndu standa saman tveir utan flokka. Spurður að því hvort það kæmi til greina að ganga til liðs við Miðflokkinn sagði Ólafur:

„Ekkert slíkt hefur verið rætt. Það er alveg ótímabært að ræða samstarf við aðra einstaka stjórnmálaflokka á þessu stigi.“

Þá var hann afdráttarlaus í svari þegar hann var spurður hvort aðrir flokkar kæmu til greina og sagði einfaldlega: „Nei.“

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• Blogga um frétt