Birta laun þingmanna frá árinu 2007
Setja bókamerki
Frá og með deginum í dag er hægt að nálgast upplýsingar um laun og kostnaðargreiðslur þingmanna frá alþingiskosningunum árið 2007 á vef Alþingis.
Birtingin er í samræmi við ákvörðun forsætisnefndar frá 9. apríl fyrr á þessu ári. Í febrúar var opnaður fyrsti áfangi nýrrar upplýsingasíðu á vef Alþingis, en þar eru birtar fastar launagreiðslur til sitjandi þingmanna og fastar kostnaðargreiðslur.
Hægt er að nálgast upplýsingarnar á forsíðu heimasíðu Alþingis undir „Greiðslur til þingmanna.“ Á vefsíðunni eru nöfn þingmanna birt í stafrófsröð. Þegar smellt er á nafn þingmanns birtast upplýsingar um hann. Þar er hægt að smella á einstaka kostnaðarþætti, t.d. húsnæðis- og dvalarkostnað, og fá upplýsingar hvað felst í þeim kostnaðargreiðslum.
Í tilkynningu frá Alþingi segir að undanskildir birtingunni séu fyrrverandi þingmenn sem látist hafa og er miðað við andlát fyrir 1. desember 2018. Um birtingu fjárhagsupplýsinga aftur í tímann leitaði Alþingi álits Persónuverndar og gaf jafnframt öllum þingmönnum sem í hlut eiga kost á að gera athugasemdir.
Vefsíðan er uppfærð um 25. hvers mánaðar og birtar nýjar upplýsingar fyrir undangenginn mánuð.
Hönnun sem bætir líf manna
Bifreið ekið á skrifstofu Útlendingastofnunar
Hernaðaraðstoð samþykkt – Vopnasendingar í vikunni
Verðbólgan komin niður í 6%
Fiskikóngurinn: „Mér fannst sárt að heyra það“
„Á réttri leið en nokkuð í land ennþá“