Slasaðist er 500 kg stálbiti féll á hann

Þyrla Landhelgisgæslunnar var kölluð út vegna slyssins.
Þyrla Landhelgisgæslunnar var kölluð út vegna slyssins. mbl.is/Kristinn Magnússon

Maður var fluttur alvarlega slasaður með þyrlu Landhelgisgæslunnar á bráðamóttöku Landspítalans eftir að 500 kg stálbiti féll á hann í vinnuslysi í uppsveitum Árnessýslu.

Lögregla og sjúkraflutningamenn voru kölluð til á sjöunda tímanum í kvöld vegna þessa, auk vettvangshjálparteymis frá Flúðum.

Lögregla annast rannsókn á tildrögum slyssins.

mbl.is
Fleira áhugavert
Fleira áhugavert