Erindi hefur borist til forsætisnefndar Alþingis þess efnis að vísa skuli máli Ágústs Ólafs Ágústssonar þingmanns Samfylkingarinnar til siðanefndar Alþingis, rétt eins og máli þingmannanna sex sem sátu að sumbli á barnum Klaustri í nóvember.

Forsætisnefnd hefur ekki tekið afstöðu til erindisins, en mun ræða málið á næsta fundi forsætisnefndar á þriðjudaginn í næstu viku.

Sá sem sendi erindið til forsætisnefndar óskar nafnleyndar og gæti það því verið hver sem er í samfélaginu, enda er öllum almenningi frjálst að senda inn erindi til forsætisnefndar. 

Jón Þór Ólafsson, þingmaður Pírata og 5. varaforseti Alþingis, staðfestir í samtali við mbl.is að á fundi forsætisnefndar fyrr í dag hafi erindi varðandi mál Ágústs Ólafs verið kynnt og að sendanda verði send staðfesting á móttöku þess.

Frétt af mbl.is

Reyndi ítrekað að kyssa hana

Ágúst Ólafur greindi frá því á Face­book-síðu sinni 7. desember sl. að hann hefði fengið áminn­ingu frá trúnaðar­nefnd Sam­fylk­ing­ar­inn­ar vegna fram­komu sinn­ar í garð konu í byrj­un síðasta sum­ars. Ágúst Ólafur áreitti hana kyn­ferðis­lega og þegar hún hafnaði hon­um ítrekað fór hann sær­andi orðum um hana. Hann tók sér tveggja mánaða leyfi frá þingstörfum vegna málsins og er því enn í leyfi.

Skömmu áður en hann fór í leyfi hafði hann verið einn þeirra þingmanna sem óskuðu eftir því með erindi til forsætisnefndar Alþingis að máli þingmannanna, sem fóru ófögrum orðum um aðra þingmenn og fjölda fólks í samfélaginu á barnum Klaustri við Austurvöll, yrði vísað til siðanefndar.

Tengdar fréttir

Ágúst Ólafur Ágústsson

Óttast „ódæðisverk gegn alkóhólistum“

• Báru þungbært að sjá Ágúst Ólaf ítrekað
• Mál Ágústs Ólafs ekki til umfjöllunar
• Logi vill gefa Ágústi annað tækifæri
• Ósátt við endurkomu Ágústs Ólafs

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Þau munu drekka í sig fróðleik í klámi á næstu …