Með stærri dögum síðustu ára

„Þetta var algerlega frábær helgi, meiri háttar byrjun, án allra vandræða og slys minni háttar,“ segir Einar Bjarnason, rekstrarstjóri í Bláfjöllum, um fyrstu skíðahelgi vetrarins sem nú er liðin undir lok.

„Dagurinn í gær var glæsilegur og líklega einn af stærstu dögum síðustu ára,“ segir Einar, en áætlað er að um fimm þúsund manns hafi lagt leið sína í brekkurnar í gær.

Í dag var aðeins rólegra en þó renndu sér yfir þrjú þúsund manns í brekkunum. „Það var aðeins vindur í dag og klukkan fjögur byrjaði að snjóa og hvessa verulega. Við keyrðum lyfturnar alveg til fimm en þetta fjaraði út hægt og rólega,“ segir Einar.

Frétt af mbl.is

Beinbrot og höfuðhögg í Bláfjöllum

Mbl.is greindi frá því í dag að flytja hafi þurft nokkra á slysadeild frá Bláfjöllum um helgina. Einar segir slysin sem betur fer ekki hafa verið stór.

„Miðað við allan þennan fjölda þá eru þetta í sjálfu sér fá slys. Þetta gekk stórslysalaust en það urðu líka tveir litlir árekstrar á veginum á leiðinni upp eftir.“

Frétt af mbl.is

Skíðasvæðin fá fé til endurbóta

Langar biðraðir mynduðust við allar lyftur í gær og segir Einar það gefa augaleið að svæðið sé komið að þolmörkum. „En við erum að fara í uppbyggingu og hlökkum til þess.“

• Blogga um frétt