Heilsugæslur Heilbrigðisstofnunar Austurlands munu ekki taka á móti börnum í tilefni öskudags vegna mislingasmits sem komið er upp meðal annars á Austurlandi. Vitað er að smitaðir einstaklingar fóru um bæði í Fjarðabyggð og á Fljótsdalshéraði.

Frétt af mbl.is

Annað barn smitaðist af mislingum

Heilsugæslur stofnunarinnar á Austurlandi eru tíu talsins og í tilkynningu á heimasíðu stofnunarinnar eru börnin beðin velvirðingar á að grípa þurfi til þessa ráðs.

Greint var frá því í gær að vitað sé til þess að tvö börn hafi smit­ast af misl­ing­um í flugi Icelanda­ir frá London til Íslands 14. fe­brú­ar. Umdæmislæknir sóttvarna á Austurlandi og aðrir starfsmenn HSA vinna að því að finna þá sem helst má reikna með að hafi orðið útsettir fyrir smiti og ná sambandi við þá.

Í tilkynningu á vef HSA er mælst til þess að allir þeir sem ekki eru bólusettir og hafi ekki fengið mislinga láti bólusetja sig. Skipulag bólusetninga er í höndum fagstjóra heilsugæslusviðs HSA og er fólk beðið um að hafa samband við heilsugæsluna í síma 470-3081 en ekki koma beint á næstu heilsugæslustöð.

Tengdar fréttir

Mislingar á Íslandi

Hettusótt líklegri meðal árganganna 1985–1987

• Fleiri mislingasmit enn ekki fundist
• Möguleg smit í fyrsta lagi í lok vikunnar
• Mislingar bárust með erlendum ferðamanni
• Einstaklingur greindist með mislinga á Landspítala

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Fréttir dagsins í dag, - óhugsandi í fyrra.