Öllum beiðnum sem hafa borist um undanþágu frá verkfalli Eflingar sem hefst á miðnætti í kvöld hefur verið hafnað.
Þetta segir Tryggvi Marteinsson, þjónustufulltrúi hjá Eflingu, í samtali við RÚV.
Alls höfðu um fimmtán beiðnir borist í gær og í dag. Búist er við að fleiri beiðnir um undanþágu berist vegna verkfallanna í næstu viku.
Engin truflun verður á ferðaþjónustu fatlaðra vegna verkfallanna.