Búið er að aflýsa flugi frá Air Iceland Connect frá Reykjavíkurflugvelli til Ísafjarðar og Egilsstaða, en en vélarnar áttu að fara í loftið klukkann 17 og 18. Einnig hefur Flugfélagið Ernir aflýst áætlunarflugi sínu milli lands og Vestmannaeyja.
Enn er hins vegar óljóst með áætlunarflug til Akureyrar , sem fara á í loftið klukkan 18.
Gul viðvörun er í gildi á höfuðborgarsvæðinu, Suðurlandi, Faxaflóa, Breiðafirði og á miðhálendinu og hafa sterkar vindhviður til að mynda valdið töluverðum töfum á millilandaflugi frá Keflavík. Þar biðu ellefu flugvélar með farþega innanborðs eftir að geta hleypt fólki frá borði á fimmta tímanum í kvöld og búið var að seinka brottförum 16 flugvéla.