Verð á öllum vörum Gæðabaksturs, Ömmubaksturs og Kristjánsbakarís hækka um 6,2% frá og með 1. maí. Í tilkynningu frá framleiðendunum kemur fram að hækkunin sé meðal annars til komin vegna verðhækkunar á hráefnum, svo sem um 30% á hveiti vegna uppskerubrests.

Frétt af mbl.is

Framsetning verðhækkana „ósmekkleg“

„Launahækkanir spila líka inn í, þá sérstaklega kvöld- og næturtaxtar, þar sem meginstarfsemi Gæðabaksturs fer fram á kvöldin og næturnar. Gengisbreytingar, hækkanir frá birgjum og flutningskostnaður hafa einnig falið í sér mikinn kostnaðarauka.“

Svigrúm til að mæta þessum kostnaðarauka sé afar takmarkað þar sem hráefni, launakostnaður og aðkeypt vinna sé stór liður í starfseminni.

„Síðustu ár hefur Gæðabakstur/Ömmubakstur unnið hörðum höndum að því að vera samkeppnishæf á okkar sviði og geta veitt fyrsta flokks vörur og þjónustu á hagstæðu verði. Okkar markmið er að svo verði áfram.“
 
 

Tengdar fréttir

Kjaraviðræður

Hægagangur og vaxandi ókyrrð

• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara

» Fleiri tengdar fréttir

• Blogga um frétt