Nokkuð var um útköll í heimahús vegna hávaða úr samkvæmum á höfuðborgarsvæðinu í nótt. Þetta kemur fram í dagbók lögreglunnar.
Laust fyrir miðnætti voru þrír handteknir grunaðir um eignaspjöll í hverfi 105 og í sama hverfi var tilkynnt um brotna rúðu í fyrirtæki.
Um áttaleytið í gærkvöldi var tilkynnt um innbrot í hverfi í Kópavogi.
Alls voru fjórar bifreiðir stöðvaðar á höfuðborgarsvæðinu í gærkvöldi og í nótt þar sem ökumenn voru grunaðir um akstur undir áhrifum áfengis eða fíkniefna.