40 athugasemdir bárust vegna Hagasels

Alls bárust 40 athugasemdir vegna fyr­ir­hugaðrar bygg­ing­ar íbúðakjarna fyr­ir fatlað fólk í Haga­seli í Breiðholti. Frestur til að senda inn at­huga­semd­ir um fram­kvæmd­ina til um­hverf­is- og skipu­lags­ráðs Reykjavíkurborgar var til 16. apríl síðastliðinn. 

Frétt af mbl.is

Ítrekar að engin ákvörðun hafi verið tekin

Athugasemdirnar eru margar og ljóst að það tekur talsverðan tíma að fara yfir þær, að sögn Berglindar Magnúsdóttur skrifstofustjóra öldrunar- og húsnæðismála velferðarsviðs Reykjavíkurborgar. 

Hún ítrekar að þetta yrði búsetuúrræði fyrir geðfatlað fólk en ekki fólk í fíknivanda. Velferðarsvið hefur óskað eft­ir fjölda lóða hjá um­hverf­is- og skipu­lagsviði borg­ar­inn­ar því byggja þarf hús­næði fyr­ir á annað hundrað fatlaða ein­stak­linga á næstu 10 árum. 

Frétt af mbl.is

Varar við fordómum gegn geðfötluðum

Um­hverf­is- og skipu­lags­ráð fer yfir athugasemdirnar og að því loknu verður fundur með velferðasviði. Ekki liggur fyrir hvenær sá fundur verður á dagskrá. 

Að minnsta kosti 800 manns skrifuðu und­ir mót­mæla­lista gegn íbúðakjarnanum. 

Frétt af mbl.is

Gagnrýna borgina fyrir samráðsleysi

• Blogga um frétt