Landsvirkjun styður samþykkt þingsályktunartillögu Guðlaugs Þórs Þórðarsonar utanríkisráðherra um að stjórnskipulegum fyrirvara verði aflétt af þriðja orkupakka Evrópusambandsins og hann samþykktur vegna aðildar Íslands að EES-samningum. Þetta kemur fram í umsögn sem fyrirtækið hefur sent til utanríkismálanefndar Alþingis vegna málsins.

Frétt af mbl.is

Þriðji orkupakkinn „feigðarflan“

„Landsvirkjun telur að þær breytingar sem gerðar voru með þriðja orkupakkanum sem ESB-ríkin samþykktu árið 2009 hafi verið eðlilegt framhald í ljósi reynslu af þágildandi reglum, auknum kröfum um neytendavernd og samkeppni og síðast en ekki síst aðgerðum til að bregðast við loftslagsbreytingum. Áfram er lögð áhersla á að neytendur hafi raunverulegt val á af hverjum þeir kaupa raforku í því skyni að ná aukinni skilvirkni, samkeppnishæfu verði og stuðla að afhendingaröryggi og sjálfbærni,“ segir ennfremur í umsögninni og áfram:

„Landsvirkjun telur að breytingar sem verið er að gera muni hafa jákvæð áhrif ef eitthvað er á íslenskan raforkumarkað  og að margt í þeim styrki stöðu notenda. Ekki þarf að gera miklar breytingar á orkulöggjöf Íslands vegna innleiðingarinnar og að kostnaður við hana sé óverulegur. Þátttaka Orkustofnunar í samstarfi eftirlitsaðila mun ef vel er að því staðið færa verðmæta þekkingu til landsins og skila ávinningi bæði fyrir notendur og orkufyrirtækin.“

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• Blogga um frétt