„Við tökum þessum athugasemdum frá Krabbameinsfélaginu með jafnaðargeði. Við ræðum það við Erik að hann hafi ekki vindla uppi við á blaðamannafundum. Okkur er það ljúft og skylt að færa það í mál við hann,“ segir Guðni Bergsson, formaður KSÍ, um gagnrýni Krabbameinsfélagsins á vindlaþef Erik Hamréns, þjálfara íslenska karlalandsliðsins í knattspyrnu, á blaðamannafundi í gær eftir sigur Íslands á Tyrklandi.
Guðlaug B. Guðjónsdóttir, framkvæmdastjóri Krabbameinsfélags höfuðborgarsvæðisins, sagði í viðtali við mbl.is fyrr í dag það sýndi dómgreindarleysi af hálfu Eriks að hann skyldi ætla að fagna sigri með tóbaksreykingum.