Bílaumboðið Brimborg hefur tilkynnt Neytendastofu um að innkalla þurfi 376 Volvo-bifreiðar af ýmsum gerðum sem framleiddar voru á árunum 2014 til 2019. Frá þessu er greint á vef Neytendastofu.
Ástæða innköllunarinnar er sú að komið hefur í ljós að í sjaldgæfum tilfellum getur plasthluti soggreinar í vél bifreiðarinnar bráðnað og afmyndast. Í verstu tilfellum er möguleiki á að eldur kvikni á afmörkuðu svæði.
Fram kemur á vef Neytendastofu að bifreiðaeigendum verði tilkynnt um innköllunina bréfleiðis.