Menntamálaráðherrann vill handritin heim

Ríkisstjórnin veitti í gær Lilju Alfreðsdóttur menntamálaráðherra samþykki til þess að hefja viðræður við Dani um endurheimt íslenskra handrita úr Árnastofnun í Kaupmannahöfn.

Mikill fjöldi handrita er enn ytra, en ráðherrann segir áhuga Dana á þessari menningararfleifð fara dvínandi, að því er fram kemur í umfjöllun um mál þetta í Morgunblaðinu í dag.

Mál sé því að Íslendingar endurheimti ritin. Í gær skoðaði ráðherrann handrit í Árnastofnun í Reykjavík, meðal annars það sem hefur að geyma helgikvæðið Lilju eftir Eystein Ásgrímsson munk. Máltækið segir að þá Lilju vildu allir kveðið hafa.