Mike Pence varaforseti Bandaríkjanna og vara­for­setafrúin Karen Pence lentu hér á landi í hádeginu. Þau virt­ust létt í lund þegar þau lentu á Kefla­vík­ur­flug­velli og brostu sínu breiðasta þegar þau stigu úr flug­vél­inni.

Fjölmiðlafólk og ljósmyndarar hafa fylgt þeim hvert fótmál og mikill viðbúnaður er hjá lögreglu og sérsveit líkt og meðfylgjandi myndasyrpa sýnir.

Mik­ill viðbúnaður var til að mynda við Höfða þar sem Guðni Th. Jóhannesson forseti Íslands og Eliza Reid forsetafrú tóku á móti Pence-hjónunum. Pence þakkaði þeim fyr­ir hlýj­ar mót­tökur en þetta er í fyrsta sinn sem þau hjónin koma til lands­ins. 

Varaforsetinn hefur í dag einnig setið viðskiptaþing íslensks og bandarísks viðskiptafólks og hóf Guðlaug­ur Þór Þórðar­son ut­an­rík­is­ráðherra þingið með því að bjóða Pence vel­kom­inn til lands­ins. „Þetta er sögu­leg­ur viðburður,“ sagði Guðlaug­ur Þór.