Snýst um þrá eftir réttlæti
Setja bókamerki
„Fyrir mörg okkar sem hér stöndum er þetta ekki spurning um tölfræði eða prósentur. Þetta snýst um okkar eigin upplifanir og sársauka, eða einhvers sem stendur okkur nærri,“ sagði Sunna Kristinsdóttir á þöglum mótmælum fyrir utan skrifstofu héraðssaksóknara í dag.
Í tilkynningu frá skipuleggjendum segir að tilefnið sé ærið, en á árunum 2002-2015 voru 65% nauðgunarmála á Íslandi felld niður af hálfu saksóknara og fóru því aldrei fyrir dóm.
Sunna sagði þetta snúast um líf sem væri á augabragði rústað og þá löngu leið sem væri til að byggja sig upp eftir það. „Þetta snýst um þrá eftir réttlæti,“ sagði hún.
Hún benti á að ákvörðun um hvort máli skyldi fellt niður væri tekin af tveimur starfsmönnum héraðssaksóknara. Þeim væri skylt að fella niður mál sem teldust „ólíkleg til sakfellis“. Sunna sagði að stundum væri neitun geranda einfaldlega nóg til að mál teldist ólíklegt til sakfellis.
„Það er óviðunandi að nauðgun, einn alvarlegasti glæpurinn í samfélagi okkar, sé nánast refsilaus. Það er óásættanlegt að tveimur af hverjum þremur brotaþolum sé neitað um tækifæri til að láta á mál sitt reyna fyrir dómstólum,“ sagði Sunna.
Hún bætti við að í lýðræðisríki ætti valdið til að skera úr um sekt eða sakleysi að tilheyra dómurum, ekki embættisfólki. Því hefði verið mótmælt með því að standa í þögninni.
Fiskikóngurinn: „Mér fannst sárt að heyra það“
Íslendingar ein mest einmana þjóð heims
Áköf mótmæli í bandarískum háskólum
Fara ekki lengur fram á einangrun yfir Davíð
Moses Hightower og Prins Póló gefa út eyjalag
Átta morðmál á aðeins tólf mánuðum
Tapa fimm milljónum á dag
Hönnun sem bætir líf manna