Vilja raunverulegt samtal um launaliðinn

Aðildarfélög Bandalags háskólamanna krefjast þess að viðsemjendur hefji án tafar …
Aðildarfélög Bandalags háskólamanna krefjast þess að viðsemjendur hefji án tafar raunverulegt samtal við félögin um launalið nýrra kjarasamninga. mbl.is/Golli

Aðildarfélög Bandalags háskólamanna (BHM) krefjast þess að viðsemjendur, það er íslenska ríkið, Samband íslenskra sveitarfélaga og Reykjavíkurborg, hefji án tafar raunverulegt samtal við félögin um launalið nýrra kjarasamninga. 

Samningar hafa verið lausir í tæpt hálft ár. Ekki hef­ur dregið til tíðinda eft­ir að viðræðurn­ar fóru aft­ur í gang í haust eftir sumarfrí, segir Þórunn Sveinbjarnardóttir, formaður BHM, og ekki tókst að standa við end­ur­skoðaðar viðræðuáætlan­ir og ljúka kjara­samn­ing­um fyr­ir 15. sept­em­ber.

„Enn hafa viðsemjendur ekki fengist til að ræða sanngjarnar launakröfur félaganna. Við viljum að háskólamenntun skili einstaklingum ávinningi. Það er miður að viðsemjendur hafa til þessa ekki boðið okkur annað en kjararýrnun í formi krónutöluhækkana og skerðingar þegar áunninna réttinda,“ segir í tilkynningu BHM. 

Aðildarfélögin sem skrifa undir yfirlýsinguna er 21 talsins: 

  • Dýralæknafélag Íslands
  • Félag geislafræðinga
  • Félag háskólakennara
  • Félag háskólakennara á Akureyri
  • Félag háskólamenntaðra starfsmanna Stjórnarráðsins
  • Félag íslenskra félagsvísindamanna
  • Félag íslenskra hljómlistarmanna (Starfsmannafélag Sinfóníuhljómsveitar Íslands)
  • Félag íslenskra leikara
  • Félag íslenskra náttúrufræðinga
  • Félag lífeindafræðinga
  • Félag prófessora við ríkisháskóla
  • Félag sjúkraþjálfara 
  • Félagsráðgjafafélag Íslands
  • Fræðagarður
  • Iðjuþjálfafélag Íslands
  • Kjarafélag viðskiptafræðinga og hagfræðinga
  • Ljósmæðrafélag Íslands
  • Sálfræðingafélag Íslands
  • Stéttarfélag bókasafns- og upplýsingafræðinga
  • Stéttarfélag lögfræðinga
  • Þroskaþjálfafélag Íslands
mbl.is
Fleira áhugavert
Fleira áhugavert