Kjartan Hreinn Njálsson, aðstoðarmaður landlæknis, segir embættið hafa áhyggjur af stöðu mála á Reykjalundi og að vel sé fylgst með framvindu mála.
„Á þessu stigi er ekkert sem bendir til þess að misbrestur sé á þjónustu. Að minnsta kosti höfum við ekki fengið neinar upplýsingar um slíkt en munum senda bréf á Reykjalund og óska skýringa á vissum atriðum,“ segir hann í umfjöllun um málefni Reykjalundar í Morgunblaðinu í dag.