Björk og Tinna lausar úr haldi lögreglu
Björk Vilhelmsdóttir, fyrrverandi borgarfulltrúi Samfylkingarinnar, var handtekin í Palestínu í morgun af ísraelskum hermönnum. Hún hefur nú verið látin laus ásamt þremur öðrum konum á vegum alþjóðlegrar friðarþjónustu kvenna, sem voru einnig handteknar.
mbl.is/Eggert Jóhannesson
Setja bókamerki
Björk Vilhelmsdóttir og Tinna Eyberg Örlygsdóttir, sjálfboðaliðar á vegum alþjóðlegrar friðarþjónustu kvenna (IWPS), sem voru handteknar á Vesturbakkanum í Palestínu í morgun, hafa verið látnar lausar.
Björk og Tinna voru handteknar ásamt tveimur frönskum konum þegar þær voru við ólífutínslu ásamt palestínskum bónda í morgun. Sveinn Rúnar Hauksson, eiginmaður Bjarkar, greindi frá því um hádegi að þær væru lausar úr haldi.
Björk og Tinna voru látnar lausar að lokinni yfirheyrslu og var leyft að fara með því skilyrði að þær færu ekki inn á hernaðarlega lokuð svæði.
Þær hyggjast vera áfram í Palestínu.
Hægagangur og vaxandi ókyrrð
Nauðgaði kærustu sinni og tók það upp
Gerir ráð fyrir 150 samningum í næstu viku
Hafa „ágætis tíma“ til úrbóta
Unnu að fullum heillindum að kaupum á TM
Bjarkey stendur við skammarbréf Svandísar
Hyggjast leyfa fólki að skoða gosið