Borgin styður uppljóstrara

Reykjavíkurborg hefur á síðustu árum boðið upp á svonefndan hnapp til að gera einstaklingum kleift að koma á framfæri upplýsingum. Dagur B. Eggertsson borgarstjóri segir borgina styðja rétt uppljóstrara.

Tilefnið er umfjöllun um Samherjamálið og réttarstöðu uppljóstrara í málinu.

Spurður hvort borgin hyggist setja reglur til að vernda uppljóstrara, líkt og Katrín Jakobsdóttir forsætisráðherra hefur mælt fyrir, segir Dagur það hlutverk löggjafans á Alþingi að setja lögin.

„Það þarf að gera í lögum en við höfum gert það sem í valdi sveitarfélagsins er til að búa þannig um hnúta,“ segir Dagur.

Hófst fyrir mörgum árum

Dagur B. Eggertsson borgarstjóri. mbl.is/Eggert

Borgin hafi þannig mótað sér stefnu varðandi rétt uppljóstrara.

„Við höfum bæði sett stefnu varðandi misferli og erum með sérstakan hnapp fyrir fólk á heimasíðunni sem fer beint til innri endurskoðunar. Þar er hægt að skila inn ábendingum. Þannig að það eru mörg ár síðan við fórum að huga að þessum málum,“ segir Dagur.

• 1 blogg um fréttina

Bloggað um fréttina

• Jóhannes Ragnarsson: Borgarfulltrúi kærir Brynjar fyrir kynferðislega áreitni, smánun og sóðaskap á …