Enginn var með allar tölur réttar í lottóútdrætti kvöldsins og munu milljónirnar 29 sem nú eru í pottinum því bætast við vinning næstu viku.
Einn var hins vegar með annan vinning, sá var með miðann í áskrift og hlýtur 501 þúsund krónur í sinn hlut.
Enginn var með allar tölur í réttri röð í Jókernum, en fjórir voru með fjórar tölur réttar og hljóta þeir 100.000 krónur hver.
Tveir miðanna voru í áskrift, en einn miði var keyptur hjá N1 á Sauðárkróki og annar hjá Vídeómarkaðinum í Hamraborg í Kópavogi.
Vinningstölur kvöldsins: 16,20, 21, 22, 36
Bónustala: 15
Jókertölur: 1, 0, 6, 0, 3