Páfagaukur tekinn af eiganda vegna vanrækslu

Matvælastofnun hefur tekið páfagauk af eiganda á Norðurlandi vegna vanrækslu. Við eftirlit fundust tveir mjög horaðir fuglar í búri, þar af annar dauður. Ástand fuglanna mátti rekja til vanfóðrunar og vatnsleysis og var vörslusvipting framkvæmd tafarlaust. Þetta kemur fram í tilkynningu frá MAST.

Fram kemur að bannað sé að beita gæludýr illri meðferð og er ekki heimilt að skilja búrfugla lengur eftir án eftirlits en í einn sólarhring. Gæta skal þess að gæludýr sé í eðlilegum holdum og dauð dýr skal tafarlaust fjarlægja frá lifandi dýrum.

Verið er að leita að nýju heimili fyrir páfagaukinn og er málið áfram til meðferðar hjá Matvælastofnun.

• Blogga um frétt