Matvælastofnun varar við neyslu á þremur vörutegundum af hnetum frá framleiðandanum REMA 1000 vegna þess að myglusveppaeitrið Aflatoxin mældist yfir mörkum.
Upplýsingar bárust MAST í gegnum RASFF, hraðviðvörunarkerfi Evrópu um hættuleg matvæli á markaði. Innflytjandi vörunnar á Íslandi, SUPER1, hefur í samráði við Heilbrigðiseftirlit Reykjavíkur innkallað vörurnar af markaði. Þetta kemur fram í tilkynningu.
Eftirfarandi upplýsingar auðkenna vörurnar sem innköllunin einskorðast við:
Neytendur sem keypt hafa vörurnar með best fyrir dagsetningum og lotunúmerum sem kom fram hér að ofan ættu að farga vörunni eða skila vörunni í verslun SUPER1 við Hallveigarstíg gegn fullri endurgreiðslu.
Nánari upplýsingar má nálgast hjá framkvæmdastjóra SUPER1, Sigurði Pálma Sigurbjörnssyni: siggip@super1.is.