Ökumaðurinn sem lögreglan veitti eftirför á Sandgerðisvegi á laugardag ók stolinni bifreið. Þetta kemur fram í tilkynningu frá lögreglustjóranum á Suðurnesjum.
Árekstur varð á veginum þegar öðrum bílanna sem í árekstrinum lentu var veitt eftirför lögreglu.
Ökumaðurinn var jafnframt grunaður um fíkniefnaakstur og leiddu sýnatökur í ljós að sú var raunin. Þá ók hann sviptur ökuréttindum og gerðist einnig sekur um hraðakstur.
Hann sætir nú síbrotagæslu, að því er segir í tilkynningunni.
Lögreglumennirnir sem veittu eftirförina höfðu dregið verulega úr hraða lögreglubifreiðarinnar áður en slysið varð.
Þrír voru í bílunum tveimur og voru þeir allir fluttir á bráðamóttökuna í Fossvogi. Beita þurfti klippum til að ná fólki út.